最萌身高差！糖妹獲視帝陳展鵬驚喜慶生

藝人糖妹（黃山怡）日前（16日）34歲生日，正日都要喺工作中渡過嘅佢，就獲新劇《童時愛上你》嘅一班拍檔好友高海寧、張振朗及陳展鵬為佢慶祝，佢喺社交網大晒靚相，並留言：「生日正日神神秘秘靜靜雞雞，畀個驚喜畀我，背景仲有好靚晚霞，多謝你哋，好大風展鵬都叫我好好哋許個願。」見糖妹雖然又大一歲，但依然Keep住童顏，加上佢嬌小玲瓏，拍埋一班「高人」十足小妹妹一樣，佢仲同身旁高足成個頭嘅陳展鵬大玩「最萌身高差」，畫面相當有趣。

另外，與糖妹情同姊妹嘅王敏奕（Venus）當然有為佢慶祝，兩位靚女一見面就開心到忘晒形，完全不顧形象盡情爆笑，玩得非常盡興。