劉佩玥直播剝衫洩春光！「蔥頭」丘梓謙英雄救美

藝人丘梓謙今年憑處境劇《愛‧回家之開心速遞》「蔥頭」一角人氣急升，更有份參演今晚首播嘅台慶劇《換命真相》，不但係繼劇集《十二傳說》後再次擔任要角，今次更「升呢」，與宅男女神劉佩玥有感情線！

日前劇集公開嘅預告片中，見劉佩玥換衫時不慎開直播導致春光乍洩，白滑玉背網上任睇，丘梓謙見狀即英雄救美除衫護花，豈料被對方誤會偷窺，糾纏下更失足半裸壓實劉佩玥，一出場即埋身肉搏，相當吸睛。

丘梓謙接受東網訪問，提到今次與「蔥頭」形象截然不同，佢就表示其實「蔥頭」嘅「韓仔」髮型係由今次造型演變而成：「嗰陣我係開咗《換命》先嘅，本身自己梳開All-back，好少留長頭髮，係監製叫我試下韓風，點知一試又覺得幾唔錯，之後染埋白仲可以襯埋『蔥頭』嘅角色。」