胡鴻鈞應援巴士打卡　等足4個鐘先成功！

星夢歌手胡鴻鈞（Hubert）將於下月假九展舉行一連兩場演唱會，惟有網民企圖在網上煽動他人參與抵制無綫廣告客戶及藝人，進行無差別網絡欺凌，令他即將舉行的演唱會首當其衝受到牽連。不過他未有受到事件牽連，不但坦言尊重每個人的立場取向，更繼續拍片為演唱會造勢！

日前他出發打算「捕獲」印有其演唱會海報的應援巴士，但他卻在巴士站等足兩小時，由天光等到天黑，依然未見巴士蹤影，他才驚覺原來自己「走漏眼」：「啱啱我喺九龍灣等咗足足兩個鐘，都等唔到有自己演唱會Banner嘅巴士，我好沮喪之際，我忽然有個覺悟，知道咗個殘酷嘅真相，原來我嘅Banner印咗喺巴士車身嘅另外一邊，唔係乘客上落嗰邊。」

但他未有放棄，隨即轉往美孚巴士站繼續追尋，最終前後共等了近4小時，才打卡成功，他坦言經此一役更明白粉絲們的感受：「我真係好愛我嘅歌迷，因為我終於明白佢哋平時係花好長時間等我，為求影張相，呢個心情我終於明白，多謝你哋。」