姜濤Ian「開完房」咀Edan短片　驚現內地視頻網

人氣男團MIRROR喺香港紅到發紫，將會入紙申請明年7月紅館檔期，MIRROR各成員代言廣告等排山倒海，真係去到邊都有一個喺左近，香港市場都夠佢哋食到飽晒，早前MIRROR曾被問及會唔會進軍內地，而佢哋就話暫時未有計劃，而近來內地「限娘令」升級，嚴打花美男偶像，MIRROR想進攻內地都唔係易事。不過網絡世界咁大，又點會冇漏網之魚！

日前MIRROR成員陳卓賢（Ian）扮到酒店開房，姜濤扮作女仔樣怕怕醜醜，Ian則向鏡頭單眼，及姜濤喺失驚無神之下錫咗Edan（呂爵安）面珠一啖嘅短片，被上載到內地熱爆的短視頻網站，雖然片段已經1個多月前，不過內地網民就當新片咁睇，仲話點解會喺呢個網見到佢哋，而網民相當受落，留言「已經loop咗好多次」、「咁到可以見到佢哋」。