昆頓獲終身成就獎 放風下部開拍《標殺令3》

20211020
東網電視
更多新聞短片
昆頓獲終身成就獎,暗示下一部開拍《標殺令3》。
美國鬼才導演昆頓塔倫天奴(Quentin Tarantino)昨日於《第16屆羅馬電影節》獲大會頒發終身成就獎,以表揚他對影壇的貢獻。而在同日的「大師班」上他表示希望下一部開拍《標殺令3》(Kill Bill vol.3)!
昆頓曾直言下部電影將會是他告別作,今次他出席「大師班」時亦被記者問及下部電影的計劃。他表示自己目前仍未有頭緒下一部電影拍乜。有記者提議開拍傳聞已久的《標殺令3》,他即回應說:「Why not?」除了電影之外,他日前受訪時亦表示計畫出影評集以及拍劇集。
查實早於2019年,他在一個訪問時亦「放風」表示有意開拍《標殺令3》作為告別作。他說:「我最近同奧瑪花曼(Uma Thurman)傾過,我又有一啲想法,所以我哋上個禮拜至傾過呢件事,如果我嘅戲中有任何一套可以延續落去,那一定會係《標殺令3》。我好想知道『新娘』(奧瑪角色)10年之後、15年之後會發生咩事?佢個女又會發生咩事?」當時有網民更提議由奧瑪的視星女兒Maya Hawke擔演「新娘」女兒。