【#娛樂Hashtag】冇諗過入行！七仙羽：爆紅係天意弄人

人氣堪輿學家七仙羽（七師傅）為繽FUN星網最新一集《#娛樂Hashtag》擔任嘉賓，同主持人謝嘉琪排排坐傾偈。一嚟就先拆解「七仙羽」呢個咁特別嘅名，佢話修行人取名有啲係用八字計算，亦有啲好似佢咁係神仙賜名，而佢笑話其實佢有好多個假名，就連傳說之中講嘅真名「趙玲」都係假㗎！七師傅解釋因為之前寫開小說、專欄，先有唔同名誕生，又指喺外國好多人叫佢做「玲玲」，覺得發音得意，佢又唔介意被叫「Master Seven」。

講到七師傅法力無邊，問到佢有冇幫自己算過會向娛樂圈發展甚至爆紅？佢坦言冇，仲直說冇諗過會行娛樂圈呢條路︰「呢個世界所有嘢都係天意弄人，有啲人想行未必實現，如果我想喺娛樂圈發展，點會到我依家『18加』唔知幾多歲先至行，哈哈！」七師傅成名前為人、行善低調，爆紅後會唔會因為多咗Fans而有壓力？有網民指七師傅係富二代，覺得呢個世界唔公平，師傅又點睇呢？至於大家最想知，七師傅嘅真名係咩？就記得唔好錯過呢一集《#娛樂Hashtag》啦！