生咗3胎冇影響！張栢芝玩髮際線測試　順利過關

為咗證明擁有纖腰，好多女生都會玩「反手摸肚臍」、「A4腰」呢啲挑戰，不過已經Out咗喇，今期興測量髮際線遊戲，連影后張栢芝都玩埋一份，佢將3隻手指放喺額頭上，測量髮際線到眉毛之間嘅距離，栢芝晒出自拍問：「單手側髮際線，還OK吧」，粉絲狂讚：「非常OK髮際線和髮量都（羨慕）了」、「髮際線很優越」、「覺得還可以再放一根手指」。

好多生育後女性都受到脫髮困擾，好似生咗囡囡嘅楊冪，髮際線經常畀人拎出嚟討論，粉絲都好擔心佢嘅脫髮問題，而生咗3胎嘅栢芝明顯冇呢個煩惱，秀髮豐盈，氣色甚佳，被網友大讚太完美。