離巢即「ViuTV化」？張明偉搵七師傅打救

藝人張明偉憑處境劇《愛‧回家之開心速遞》「佐治」一角成功入屋，惟早前佢暗示被「雪藏」，不但正式告別《愛》劇，更自爆即將離巢無綫，令唔少網民關心其去向，而日前佢喺社交網公開嘅一張合照，再度引起無限猜測！

事緣佢上載咗與風水師七仙羽（七師傅）嘅合照，相中2人合作做出心形手勢，張明偉更留言：「終於搵到七師父打救我喇！（Finally，I found Master 7 to Da 9 me！）七師父愛我！」由於七師傅經常亮相ViuTV節目，故合照一出即有大批網民指張明偉「ViuTV化」，估計佢將會過檔ViuTV，甚至有份參與七師傅的新節目《七福星》。