嫌《賭命夫妻》唔夠激？ViuTV招募單身男女共處一室

ViuTV最近播出嘅真人騷《賭命夫妻》因為遊戲狂踩道德底線，至少已經收到40宗投訴，不過睇嚟ViuTV唔打算收手，其社交網今日（20日）宣布開拍真人騷《戀愛Staycation》（暫名），並公開招募18至35歲嘅單身男女，由卜卜脆到中佬、中女都有，其節目簡介就指男女同住長達一星期多嘅Staycation，又表示有機會安排船P、大自然露營及豪華晚宴舞會等活動，明確要大搞求愛騷。消息一出，即刻令網友估到底今次個騷尺度會去到幾大，到底會係拍純愛嘅港版《雙層公寓》定係少少鹹嘅《慾罷不能》呢！