又爱又狠　张天赋洪嘉豪预告开骚宣布分手

歌手张天赋（MC）、洪嘉豪为TVB娱乐新闻台节目《StarTalk》任嘉宾，接受主播许文轩专访，2人大谈合作开骚感受，MC笑说：“虽然洪嘉豪都系一个前辈，但今次我哋系以一对朋友合作，因为我哋真系识咗好耐，大家遇到问题嘅时候，唔使就住就住，会即刻讲出嚟去面对、解决。”嘉豪则表示今次开骚无分彼此，他说：“今次冇话边个带领边个，唔系各自嘅骚，因为大部分嘅歌曲都系会合唱，大家会Crossover，系我哋一齐嘅骚。”

2人原来相识于微时，嘉豪说：“我哋系因为一个兰桂坊酒吧骚而认识，第一眼见到佢，觉得佢系一个死?仔，因为咁多个乐手当中佢年纪最细，好似个细佬咁，好记得佢戴Cap帽。”嘉豪缤大爆MC经常有借无还，他説：“佢成日借我啲嘢唔还，有笔、化妆品等，所以我有时会问佢有啲咩嘢唔要送畀我，好似之前有条裤佢唔要畀我，我都有出镜着过，我咪当攞番佢啲便宜！”而MC说：“初初见到嘉豪嘅时候，第一印象唔系咁好，觉得有啲串，后尾熟咗先发觉佢系咁样同人相处。依家识耐咗，佢仲会不停咁试我底线，成日讲一啲嘢嚟挑衅我，激到我差唔多想爆嘅时候，又凼番我，之后又继续烦住我！真系好讨厌！不过见佢弹钢琴同好认真造音乐嘅时候，都好吸引！”

谈到被网民打造成“赋豪CP”，二人一脸无奈，MC说：“我哋太Friend，所以平时喺公司同佢都几亲密，揽头揽颈系好正常，点知有一次我熊抱佢兼闻佢件衫，畀公司同事影到仲放咗上网就疯传，就搞成咁，无啦啦撮合我哋！”嘉豪笑说：“我哋识咗七年！(有冇七年之痒？）有！所以系要有个了结！我哋有讲过开骚时要宣布分手！”