受陳瀅薰陶？周嘉洛「處男下海」滑水騷肌

藝人周嘉洛與宅男女神陳瀅因合作劇集《痞子殿下》而傳出緋聞，早前陳瀅返加拿大探親，周嘉洛都不避嫌親自送機，可見感情相當不錯。雖然緋聞女友不在港，但周嘉洛都不愁寂寞，呢日就出海玩滑水。

其實有留意陳瀅社交網嘅，都知佢熱愛滑水，唔知係咪受緋聞女友影響，周嘉洛都對滑水產生興趣，今次「處男下海」都玩得有板有眼，仲赤膊上陣勁騷結實胸肌及腹肌，非常吸睛，佢留言笑指：「滑水瘦骨仙，就係細佬，原來咁好玩！」網民都問佢有冇向陳瀅請教滑水技巧，仲話好期待佢哋可以一齊出海。