同王菲離婚後冇運行　欠債李亞鵬踎街邊吔包

內地男星李亞鵬自從同樂壇天后王菲離婚後，似乎連運氣都好似冇埋咁，早前因為合約糾紛被追討6千幾萬人民幣外，近年真係冇乜劇拍，成50歲人先嚟轉攻做網紅，拍啲分享生活軼事嘅片上網。

最近佢喺社交平台出咗條新片，片中佢原來打算去高級酒店食個豪華早餐，點知酒店間餐廳未開門，好無癮咁離開時，又撞啱酒店附近有劇組拍嘢，仲喺現場發現有張枱，上面擺晒一袋袋嘅早餐，方便劇組人員食完就開工，佢就隨手揀咗一袋漢堡包，之後就踎喺街邊度大啖食，仲食得好滋味，留言話：「早餐格外的香。」

有網民就讚佢做明星做得好貼地，同工作人員一樣鍾意踎喺街邊吔包，不過有網民懷疑佢係「順手牽羊」時，就有人護航話，佢應該識劇組嘅人，所以唔算不問自取，更有網民提議佢快快入組拍戲當「找早餐錢數」。