《喜剧之王》被星爷弹下体男孩近照曝光　原来实情系？

1999年上映嘅电影《喜剧之王》“名场面”多多，其中有一幕系周星驰见到一个全裸嘅小男孩，出手弹对方嘅“小小鸟”，由于小男孩圆碌碌，样子趣致，虽然冇对白，全程只系行行企企，但出场短短几分钟，呢幕“星爷弹小鸟”，令人印象深刻，至今22年，呢个画面成日被网民翻炒再翻炒，甚至用嚟做表情Sticker。

最近有网民就指搵到呢位童星嘅社交网，大家都好奇长大嘅佢依家系咩样？网上疯传呢位童星叫张红攀，来自贵州，当年拍摄《喜剧之王》时只有两岁，更将佢近照曝光，依家嘅佢同细个一样有肉地，皮肤白白净净，而佢对演艺仍然好有兴趣，曾经参加一个名为《喜剧之王》的电视选秀节目，因而人气急升，社交网有300万粉丝追随。

但有心水清嘅网民翻查资料，指张红攀唔系《喜剧之王》入面裸体小男孩，因为《喜》于1999年2月上映，而张红攀于1999年出生9月出生，所以计番条数，张红攀当时仲未出世，冇可能系被星爷弹下体嘅小男孩，至于真身系边？依家仲系个谜。虽然张红攀被认错，不过错有错着，反而令佢有更多人关注！