孖阮兆祥壓軸出場　海俊傑挑戰快歌Medley嗌驚

藝人海俊傑（海仔）之前參與音樂人伍仲衡的音樂會，與羅敏莊及阮兆祥壓軸出場，又跳又唱經典金曲，炒熱全場氣氛，事後海仔大讚很好玩，又坦言一開始聽到要跳舞有點驚：「今次再次受伍仲衡邀請參與佢Part 2嘅音樂會，真係好開心，今次仲要加難度畀我，要同羅敏莊同阮兆祥唱part快歌Medley仲要跳舞，我一聽到都驚驚哋，因為本身冇乜舞蹈底子，又好少練舞，最多喺屋企同老婆玩吓Cha Cha Cha。」幸好獲導演安排排舞師教舞，他亦加緊練習：「雖然唔係複雜嘅舞步，但我都好緊張喺後台係咁練舞，呢兩晚現場觀眾反應好好，氣氛高漲，我都好享受呢兩晚嘅演出，希望再開Part 3或者疫情再好啲嘅時候，做個巡迴演唱會就正啦！」