李靄璣慶生似結婚　要藝人輪流排隊入場影合照

歌手林奕匡（Phil）為慶祝邵氏藝人太太李靄璣（Rikko）生日，特別送上驚喜生日聚會，廣請太太的好友包括女子組合Super Girls成員Aka、黃美棋、許靖韻及港姐郭柏妍等出席，不過因疫情關係不能聚集太多朋友，所以好友們要輪流到到寓所的Club House慶祝及拍合照，足足切了3個蛋糕，十足馬拉松生日會。

Rikko在生日會上和老公Phil又攬又錫，被友人取笑遭他們兩公婆閃到眼盲。她接受訪問時表示：「我係天秤座，好鍾意同朋友好客，但因疫情關係，已經有兩年都無舉辦過生日會或朋友聚會，其實生日對我來嚟並不重要，只係攞個藉口，趁機見見一班好友，就係因為有啲朋友係兩年無見，今次見番，有啲轉咗新形象同髮型，就差唔認得，哈哈。」她又說之前疫情期間經常要自律留在家中，曾有段時間，覺得有點焦慮症及厭食症的症狀，但現在生活漸活躍，令心情及食欲各方面也開始恢復正常，所以覺得人絕對需要群體生活。問到其生日願望？她說：「希望大家都健康快樂。自己無欲無求。（可恨生BB？）未來一年計劃當中，都係順其自然。」