真係40歲？張敬軒回春廿年　秒變花美男

歌手張敬軒早前公布跨年紅館騷海報，佢登上64層樓高嘅高空拍攝，真係睇到人一額汗，軒仔其實係想帶出面對困難，要有勇氣去克服呢個訊息。

現年40歲嘅軒仔入行20年，即係話佢20歲就入行喇，生得一副童顏嘅佢，好似冇乜點老，雖然籌備演唱會已經好忙，但係佢都不時玩吓社交網同粉絲互動，呢日佢就玩吓社交網嘅濾鏡，佢笑言「誤導成分真係好高喎！」相中嘅軒仔即時回春廿年，變番佢初出道時咁樣，仲成個花美男咁，真係話佢20歲都有人信呀！