關楓馨晒線搵快錢　搵爸爸請教演技

藝人關禮傑女兒關楓馨參選港姐後已簽約無綫，今日（21日）接第一個工作出席活動賺外快，穿上低胸裙的她狀態大勇。受訪時，她未有透露簽約年期，但覺得合適自己，現時正在拍攝綜藝節目《男神廚房》，問到是否想拍劇？她說：「乜都想試吓，自己係新人，主持各方面都想試吓。（冠亞季港姐可能冇你咁幸運咁多工作？）佢哋都好忙。（覺得冇銜頭反而行快一步？）每一樣都有好處，佢哋履行職務，我就可以試吓好多其他嘢先。」她透露想學好演藝，裝備自己。

提到爸爸有份主演的劇集《我家無難事》剛播放完，她透露兩父女有一起看，更邊看邊討論演技，她說：「爸爸拍戲經驗耐，會請教佢，同埋喺屋企就問到佢好方便，乜都問佢，感情嘢就會同媽咪傾多啲。」她笑言今日賺到錢，打算請屋企人食嘢。