做到鬍鬚都白埋！張智霖獲袁詠儀支持流下男兒淚

藝人張智霖（Chilam）憑內地真人騷《披荊斬棘的哥哥》人氣急升，新一集佢聯同張晉深情演繹《給電影人的情書》，表演後更一時感觸，慨嘆自己嘅青春奉獻咗畀演藝事業：「我覺得人生如戲，我認為我自己的人生已經投放在我的演藝事業，我的青春都已經全給你們了。」台下現身支持嘅老婆袁詠儀（靚靚）即大受感動，表示：「他真的是（鬍鬚）天然白了，他真的是把他青春給了這個事業了。」聽到靚靚嘅一番說話，Chilam終於忍唔住留下男兒淚，場面感動。

事後，靚靚亦於社交網晒出Chilam白鬚近照，再次為老公感驕傲，又慶幸一路走來自己都能夠在旁陪伴：「感謝智霖哥，你說青春都給了『你們』，很幸運在『你們』之中，有『我』。」