阿Sa帶姊妹去露營　容祖兒女漢子上身施展金雞獨立

蔡卓妍（阿Sa）向來與容祖兒同鍾欣潼（阿嬌）情同姊妹，阿Sa拍露營Vlog，仲唔出人情牌「帶住姊妹去露營」咩！佢哋3個齊齊去到郊外尋找晚餐食材，因為條片主要係畀內地觀眾睇，佢哋幾乎全程用「港普」交談，講到唔鹹唔淡，睇到人笑爆嘴。

祖兒果然係女漢子，搵晒食材準備煮晚餐時，天后唔使用刀嘅，將食材用大髀一劈，登時分開兩截，此時阿Sa即報以Bling Bling嘅眼光大讚：「好壯呀！」祖兒牙擦擦話：「我很突出！」隨即二話不說做出「金雞獨立」，身體柔軟度超高，技驚四座。到之後開餐，辛苦得來自在食，祖兒見阿Sa眼泛淚光，以為佢感動到喊，點知阿Sa反高潮話：「不是呀，只是煙太大！」