方力申游泳學校開業3年終回本　感動眼紅紅

藝人方力申（小方）今早（22日）以青年大使身份出席青年領袖頒獎禮，表示少時最想參加童軍，他説：「細個因為要練水，課外活動都係游水，所以錯過咗參加制服團隊嘅機會，我覺得年輕人係應該鍛煉吓，我爸爸當年叫我練水，都係想我學識服從紀律、堅持同埋有目標，參加制服團隊都可以鍛煉到，着咗套制服，自然會有個責任感，對年輕人成長係好嘅。」

香港劍擊運動員江旻憓以宣傳大使身份出席，小方坦言是首次與她碰面：「之前奧運會好嚴，見佢唔到，佢係新鮮出爐傑青，我都有恭喜佢，希望佢可以喺運動上繼續為港爭光，空閒時貢獻社會。」

另他透露其創辦的游泳學校開業3年終於收支平衡，早前亦舉辦首次水運會：「睇住自己教嘅小朋友由最初怕水變成喺比賽攞獎，唔只啲父母，我自己都感動到眼紅紅。」