無綫節目巡禮︱湯洛雯又跌親 馬國明扶實爆:似有咗!

2021年10月22日 16:19
東網電視
更多新聞短片
藝人馬國明與湯洛雯(靚湯)今日(22日)情侶檔出席《無綫節目巡禮2022》,二人全程晒恩愛。講到靚湯明顯瘦了,馬國明說:「健康最緊要,瘦唔係一定靚,依家健康就最靚囉!佢好論盡,尋晚又整親。」靚湯即解釋:「係呀!尋日我跌落幾級樓梯,隻腳損晒,但佢就唔喺身邊,媽咪打畀佢,叫佢睇住我,當時佢開緊工。」
馬國明笑言正拍攝《隱形戰隊》,由於很多動作戲,自己都周身瘀傷。問會否互相捽藥酒時,靚湯笑謂:「唔使,我有幫佢按摩穴位。」馬國明又指會扶着對方行,好似「有咗」咁,靚湯又怕大家亂寫:「好似扶住老人家行咁!」問到馬國明有否被靚湯媽咪催婚時,他說:「唔關事,我又要開工,都唔知點睇實佢!」靚湯即撒嬌:「放棄我啦!」
靚湯又指被馬國明讚新髮型靚,年輕又後生,馬國明說:「襯番佢智商,佢好細路女,好少嘢就會好開心,我媽咪都係咁!」靚湯又指馬國明媽媽很容易相處,問對方有否當她是新抱仔時,她甜笑指住馬國明謂:「問佢啦!」