無綫節目巡禮︱高層C君台上爆粗：J2年齡層被我拉X咗！

J2台創意總監C君於《無綫節目巡禮2022》介紹該台明年的節目，談到J2的觀眾年齡層，C君錯口爆粗，將「拉高」變成「拉Ｘ」，他說：「J2台我最大，講緊年紀呀，我依家37歲，J2台幕後平均年齡28歲，但普遍都冇咁大，實際被我拉Ｘ咗。」原本想講「高」字卻變粗口，不過，他都相當淡定「補鑊」，並謂：「我為咗搞呢個Gag，度咗4星期。」他表示因為J2台踢走林盛斌與陸浩明，令該台幕前的平均年齡拉低至25歲。介紹節目時，一班年輕藝人倪嘉敏、陳欣茵、吳卓衡等都有上台，其中以黃婧靈（波波）低胸裙最搶鏡。