受江若琳與林小明緋聞影響 江母:被鬧係狐狸精個阿媽

2021年10月22日 19:44
東網電視
更多新聞短片
藝人江若琳(原名江玲)與前經理人公司「寰宇」合約官司案,今日(22日)於金鐘高等法院繼續開審,上午由江若琳母親周麗容(譯音)以證人身份作供,庭上控方大律師繼續盤問江母,知不知道女兒江若琳的收入?江母則表示:「佢有問我攞搭車錢,我話佢你有嘢做,仲問我攞錢。我知佢好孝順,佢唔敢畀我知,佢可能唔想我擔心。」
江母在庭上指出曾幫女兒執袋,無意中發現一疊單據,她說:「見到嗰陣好驚,點解咁多嘢做,仲會欠人咁多錢,再睇清楚,連一個氣球同一張櫈都要佢畀錢,連工作人員頭痛嘅藥都入埋佢數。我好唔明白,咁究竟呢啲係咪佢嘅個人開支?唔怪得知佢點解冇錢,要返嚟問媽咪攞錢。」
控方大律師問江母有沒有想過解約?江母即飲泣表示:「當時冇諗過。而我係有同佢哋講過,我個女同林生(林小明)嘅緋聞,根本唔關我個女事,點解要拉埋佢落水,就係咁令到我個女失去晒所有工作,咁依家點能夠還錢。其實人都有尊嚴,畀人講係第三者,我都唔想活。而我日日出門口,就畀人鬧係狐狸精個阿媽,我都唔知幾慘。」江若琳聞言亦忍不住哭起來,要身邊老公蕭唯展安慰。
證人鍾舒漫出庭作證
江母上午作供完畢後,下午開庭,法庭則傳召另一證人前英皇女歌手鍾舒漫(Sherman)應訊,接受控方大律師盤問有關製作唱片及收入流程,除此之外,亦有問到鍾舒漫是否知道江若琳欠寰宇很多錢?Sherman則表示:「其實我同佢做咗朋友咁耐,大部分時間我都係唔知。到2014年報道出咗,先知佢同舊公司有錢銀糾紛,嗰陣時佢先有同我講。」Sherman於庭上作供約20分鐘後,審訊便完結。案件排期至11月1日再審。
案件編號:HCA 1225/2014