林作扮女僕服侍女友 搞到裕美唔敢生女

20211022
東網電視
更多新聞短片
藝人林作與女友裕美,昨晚(21日)現身女僕餐廳出席網上直播,林作一身女僕打扮學習如何做女僕服侍女友,問裕美對男友女裝打扮感覺,她說:「佢唔係第一次扮女人,佢成日都喺屋企扮,仲叫我幫佢拍片,話用嚟請人保險、請空姐用喎。」她説看過男友扮女人後,要更考慮清楚會否生小朋友,她説:「人哋話生女通常似爸爸,真係生個女好似佢咁咪大件事?害咗個小朋友一世呀!」
問到兩人有否在家玩角色扮演增添生活情趣,林作說:「我堅持要情趣佢唔肯啫,我買咗好多Cosplay衫返嚟,不過佢唔肯着,咪我着囉!」裕美即補充:「佢仲叫我扮一個好想紅嘅女演員,佢就扮監製喎。」另林作透露拳賽後,出街多咗人找他合照,拳賽當日所穿的「汗褲」亦已被朋友以一萬元認購。