韓韶禧床戲特集︱《以吾之名》臨時被加全裸床戲惹爭議

憑韓劇《夫妻的世界》「最強小三」彈起嘅女星韓韶禧，主演新劇《以吾之名》（My Name）現正熱播。角色一改以往嬌滴滴形象，首度化身打女拍動作片，除咗操肌增肥22磅，更素顏犧牲靚樣打到變豬頭，認真唔簡單，多層次崩潰演技更獲大讚！

靚女演打戲睇得觀眾賞心悅目外，當中與男星安普賢嘅全裸床戲成為全劇焦點之一，尺度被台媒譽為「19禁」。韓韶禧訪問時自爆拍到一半先知道有床戲，惹來網民爭議，直斥「根本是性騷擾」、「超不尊重人」，亦有唔少網民認為床戲作用唔大，靠簡單吻戲都能交代。初時佢都懷疑係咪有所需要，最後亦認為床戲能帶出「第一次變得像個人」嘅感覺出來。

韓韶禧其實三度演床戲，除《夫》外，《無法抗拒的他》與宋江床戲更比《以》劇多，內容更露骨，不過相對尺度冇咁大。一齊回顧韓韶禧床戲特集！