丘梓謙肉搏劉佩玥「硬晒」 預告仲有好多親熱戲

2021年10月23日 19:03
東網電視
更多新聞短片
藝人蔡國威與丘梓謙(蔥頭)出席直播帶貨活動,講到蔥頭演出的劇集《換命真相》近日熱播, 日前播出他除衫保護劉佩玥免走光,但就不慎失足壓倒對方「肉搏」,他說:「都係第一次拍呢啲,好緊張,手震、口又震,成身硬晒!(邊度硬?)手同嘴!(女友麥皓兒有冇監場?)冇,我哋專業嘅。」他預告與對方還有很多親熱鏡頭,問到可有錫錫?他說:「點止呀,之後睇吓啦,因為好多幻想。」
講到直播帶貨,蔡國威已有經驗,蔥頭就表示未試過:「嚟學吓嘢,咩都試吓,我諗我應該OK嘅。其實我初初接觸呢樣嘢都有啲抗拒,因為始終賣嘢畀人有難度,但做咗節目《識貨》後,慢慢有興趣,同埋原來真係有人買,好有滿足感。」講到無綫開拍《識貨2》,蔡國威之前已參加過,如果還有機會的話都想再挑戰,蔥頭亦表示想報名參加。