AGA開Turbo作歌出事　1星期入2次醫院！

歌手AGA（江海迦）日前自爆1星期入2次「廠」，有傳佢因為不滿今年產量少，急於創作弄巧成拙，成日通頂開爆個Turbo，導致肺部不適要睇急症！事隔幾日見佢化好妝、精神唔錯咁晒舉V出院相，又用英文感謝一班悉心照顧佢嘅醫護人員，仲大派定心丸指自己已經好番晒，Ready好接受嚟緊嘅新挑戰！

之後佢再喺社文網Post彈結他相，實行以音樂做「治療」，而張相明顯見到佢右手手背黐咗張膠布，應該就係佢喺住院期間「種豆」嘅位置。如今佢再次出動，相信Fans見到偶像咁精神奕奕都即刻放心晒，亦希望佢好好休息，之後再為大家帶嚟新作！