何潤東「房事」請教孫儷　大讚為人單純顧家

台灣男星何潤東與內地女星孫儷合作劇集《那年花開月正圓》結緣成為好友，角色「吳聘」再度翻紅，近日接受訪問談到與孫儷嘅友誼，佢自爆Friend到連「房事」都請教對方，感情極好。佢透露與老婆之前一直同父母住，曾問孫儷應唔應該同老婆搬出來住：「然後她就給我建議其實搬出來比較好，因為大家有大家的一個空間，聽了她建議我便搬出來，但我沒搬離我爸媽很遠，就是正隔壁而已。」佢大讚孫儷為人單純：「我覺得她是一個活得很明白的人，知道自己的人生要什麼，很顧家庭，很多互動會跟大家分享，但她不是想漲粉絲流量，而是純粹紀錄。」

除咗孫儷，何潤東同徐若瑄（Vivian）及張鈞甯亦份屬好友，交情更深厚到用「情感勒索」佢哋演出其執導嘅新戲：「我跟Vivian是20年的交情，和鈞甯是16肋插刀的好兄弟，所以我的作品她能不來嗎？她敢要求貴的錢嗎？」睇嚟何潤東異性緣非常好，去到邊都有靚女賞面相助！