出道近10年終開騷　胡鴻鈞時刻提醒自己冷靜

歌手胡鴻鈞（Hubert）為無綫娛樂新聞台節目《StarTalk》任嘉賓，接受主播許文軒專訪，大談即將開騷感受，透露出道將近10年時間，認為現時開騷時機成熟：「之前有好多人問我幾時開騷，我都有心急，每一年都好想開，但要同自己講唔好急，之前覺得自己未Ready，一路吸收、學習，到依家開始有信心企喺一個大型啲嘅舞台。」更指3年前曾舉行小型音樂會，其中一Part與嘉賓Dear Jane合唱，當時表現High爆，惟再次睇Play Back，卻發現自己有點失控及誇張，似欠缺大將之風，故今次特別提醒自己要保持冷靜。

談到屆時會於演唱會上獻舞技，Hubert自嘲跳舞並非耍家，但也不算太差：「過去我好少又唱又跳10分鐘，所以今次係一個挑戰。（會除衫？）到時入嚟睇就知。」