孖黃翠如登玉龍雪山放閃　蕭正楠「弱雞」喪吸氧氣

藝人黃翠如最近做咗跟得夫人陪老公蕭正楠北上開工，尋日（23日）係翠如40歲生日，蕭正楠同佢登上位於雲南省麗江市嘅玉龍雪山慶祝，睇到佢哋兩公婆翹晒手喺雪中共舞大晒恩愛，實行閃爆網民！蕭正楠去到海拔4,506米嘅位置，出現高山反應表現得好辛苦，全程拎住個氧氣樽，係咁吸氧氣，而最好笑係佢吸完氧氣之後，連聲都變埋「米奇老鼠」聲，搞到佢都嚇親問：「到底我吸咗咩氣呀？」真係笑爆嘴呀！反而翠如個高山反應就冇咁犀利，佢見到蕭正楠咁「弱雞」都忍唔住笑添！

網民睇見佢哋兩公婆喺疫情下仲有得去旅行玩吓，都大嗌好羨慕，而有網民就話睇到之前受情緒困擾嘅翠如，笑到見牙唔見眼，相信佢依家應該真係冇晒事啦！