阿Sa孖祖兒做最美流浪漢 阿嬌Cool爆脹卜卜現身

20211025
東網電視
更多新聞短片
天后容祖兒(Joey)近日孖住好姊妹蔡卓妍(阿Sa)及鍾欣潼(阿嬌)組「龍虎豹」拍住上,為綜藝節目《容我Sa嬌》開工並寓工作於娛樂,繼日前去露營後,近日就去到河北秦皇島市取景,Joey與阿Sa於社交網大晒靚相,見佢哋喺海邊打卡,又聯同一班工作人員坐石壆望海,十足還原《那些年》經典重面一樣,相當青春。
而阿Sa同Joey都不約而同以鬆身冷衫配墨鏡造型上陣,一個紅一個綠,撞到應一應,阿Sa表示:「我哋今日襯咗,冇夾過㗎,呢度嘅天氣同埋環境都好襯我哋。」不過網友就指佢哋全身鬆鬆垮垮,加上披頭散髮,笑指似足流浪漢,仲話係「最美流浪漢」添!
另外,有網友野生捕獲佢哋進行拍攝,見佢哋去到夜市掃街大歎街頭美食,仲請到Joey於《乘風破浪的姐姐2》嘅戰友周筆暢做嘉賓,周筆暢仲同阿Sa大玩遊戲攤位鬥拋圈,重拾童年回憶。亦有網友捕獲到阿Sa、阿嬌合體,但指阿嬌反應相當冷淡,更將焦點放喺佢脹爆身形上,留言:「像懷孕10個月了。」亦有人指因為衣着關係,阿嬌先顯得比較臃腫!