《換命真相》浴缸扮死屍　陳庭欣浸成晚皮都甩

前港姐陳庭欣（Toby）於無綫劇集《換命真相》有場伏屍浴缸戲份，再加上成缸水變成紅色，感覺相當恐怖，日前她出席宣傳活動時，透露拍攝時還有劉佩玥及蔣家旻在場，劇情交代二人望住其死狀，由於當日於凌晨時份拍廠景，在超凍冷氣及昏暗環境下，輕易營造出恐怖氣氛：「拍咗成晚，我喺浴缸度浸到甩皮，其實呢套劇我係冇生存過，基本上都係回憶度出現（你過往角色成日都要死！）都唔知點解，可能我個樣比較死，係公司『御用死人』。我覺得拍呢套劇好難，因為次次都係回憶，睇劇本唔識睇，人哋有晒關係，我只係同另外3個係好姊妹，入面9成戲份都要喊，喊到好攰㗎！」