游嘉欣咀戲小兒科！林正峰超激床戰對手起底

無綫藝人林正峰與游嘉欣因合作劇集《青年心城之撐起青春》，劇中有咀戲被指戲假情真咀出真感情，有正印女友嘅林正峰急澄清二人屬朋友及同事關係。二人咀戲未夠話題性，原來尋晚（24日）播出嘅床戲先係戲肉！

林正峰帶咗名巨胸索女返房展開超激床戲，電視尺度當然未有三點盡露，但戲份長達分半鐘，女方主動為男方除皮帶兼除衫，而且女上男下意識大膽，夠晒觀眾衝擊眼球！不過，過程中女方被發現胸墊「裝假狗」感到不滿，而且以為林正峰生蛇有性病，令床戰中斷未有「完事」。

隨即令網民紛紛起底，呢場床戲女主角係藝員彭翔翎，參加第29期藝訓班加入無綫，入行4年甚少演出機會，以往多數演行行企企嘅美女角色或者街坊，早前於劇集《把關者們》終有出頭天，飾演黃智雯下屬「游冬雪」。而彭翔翎早已名花有主，不時於社交網分享與男友甜蜜照。