陳凱琳怕鄭嘉穎被人蝦　唔請老公做嘉賓

前港姐陳凱琳（Grace）與拍檔KOL雪姨（容可兒）在沙田出席美容院剪綵，Grace近期頻頻露面出席活動，她指會在工作、生活會中取得平衡，笑言朋友也知道她5點後要趕返屋企湊小朋友與煲劇，問到小朋友可有看爸爸鄭嘉穎的新劇《星空下的仁醫》？她笑說：「佢哋好早瞓，所以遲啲先畀佢哋睇番。」

她又講到將為明珠台主持清談節目，指節目會談及愛情、親家庭，雪姨則讚Grace下廚了得，可以做烹飪節目笑說：「你可以做明珠台肥媽，都係明珠台『瘦媽』適合啲。」Grace透露節目會邀請嘉賓，也考慮請老公壓軸出場，她笑說：「《日日媽媽聲》有諗過搵佢做嘉賓，但係見啲老公上到嚟都係畀人蝦，所以都係唔好喇，哈哈。」