一代女神都冧得掂！吳業坤原來同李麗珍勁老友

歌手吳業坤（坤坤）向來充滿女人緣，不但同過唔少女神級傳緋聞，更與薛家燕、汪明荃等前輩級藝人關係甚好，真係「3歲到80歲」嘅女士都畀佢冧得掂，就連一代女神李麗珍都抵擋唔住佢嘅魅力！呢日李麗珍於社交網大晒與吳業坤嘅合照，多謝佢請食飯，相中佢哋搭晒膊頭、攬頭攬頸，仲頭貼頭零距離接觸，相當老友。而呢個咁特別嘅組合，令唔少網友都大感驚訝，估唔到佢哋竟然咁友好，又指希望佢哋能夠合作拍戲。

坤坤同李麗珍睇落好似大纜都扯唔埋，但其實以往坤坤都曾經出席過對方嘅生日會，佢回覆東網說：「我哋其實都識咗幾年，雖然冇合作過，但因為有班common friends，間中會食餐飯，咁啱common friends入面有人開咗間日本餐廳，咁咪一齊食飯啫嘛。」他可會希望有機會跟李麗珍合作拍戲？他說：「當然講演戲梗係想向前輩學習多啲，嗰日食飯大家都知道佢提名咗金馬獎最佳女配角，所以都希望可以向佢學習吓演技。」