食住熱潮！劉沛蘅孖《膠戰2》戰友玩狐狸先生

模特兒出身的劉沛蘅（Hillary）承接上季、繼續主持正熱播的《膠戰2》，最近孖岑珈其、徐浩昌（肥腸）及黃正宜（阿正）一齊拍廣告，Hillary坦言節目播出後帶挈一班主持搵真銀。拍攝片場搭建成一個遊樂場，綠油油的草地中有一棵大樹，捉緊《魷魚遊戲》的熱潮，廣告中四人盡情發揮「鬥氣本色」，搶着吃炸雞，更大玩童年遊戲「狐狸先生」來決勝負。

未埋位時他們四人認真玩狐狸遊戲，誰知阿正原來不懂得遊戲規則，令珈其極「生氣」指她「你真係唔識架喎！」最後唯有由珈其當狐狸先生，笑翻全場！拍攝過程好愉快，Hillary笑說：「平時一齊玩，今次就一齊演戲，又可以同珈其呢啲老戲骨合作，佢真係好好戲，拍嘢過程係超級開心同好嘈，笑到我牙骹都有啲攰，成班都好貪玩。」

訪問期間阿正突然亂入，笑爆自己肚子在拍攝期間不舒服，要一直忍着完成拍攝，自認十分專業。Hillary即笑說：「其實我哋之前拍咗一季《膠戰》，依家第二季已經拍到一半，默契點都有，今次我哋4個，仲有2個Edan同魏浚笙，希望可以一齊拍住上搵錢！」