手指發紫︱黃婉曼除唔到戒指　緊急入院開刀鋸

藝人黃婉曼（Icy）近日入院做了個「大手術」，她在社交網留言﹕「晨早流流，一個醫生，兩個護士，幫我做咗個『大手術』」她還Hashtag「醫生話佢辛苦過做手術」、「有冇人試過要鋸戒指」、「戒指除唔到」、「手指都紫埋」、「老公嚇我話要切手指」，原來她脫不下戒指，而要由醫生幫手鋸戒指！

Icy受訪時表示：「我戴咗隻戒指，戴到入去，但係第二日就除唔到出嚟，成隻手指都紫咗，試過用洗潔精潤滑同埋浸冰水都唔得，惟有去醫院据咗隻戒指，而且隻戒指個設計係三隻戒指連埋一齊，所以要一隻一隻咁鋸。隻戒指係結婚嗰年我自己買畀自己，原來不知不覺中手指真係肥咗，戴入去嘅時候係有少少緊不過都戴到，但係估唔到完全除唔到。（隻戒指貴唔貴﹖）過萬，有碎鑽。」