「天王」同框︱農村版周杰倫搵埋「林俊傑」唱歌

台灣天王周杰倫的「基因」非常強勁，有不少世界各地、來自各行各業的「兄弟」，早前就有位喺內地農村生活嘅男子，因為同周杰倫似到十足十，而被封為「農村版周董」，更獲帶挈一夜爆紅，至今已擁有高達21萬粉絲。其實佢出身嘅農村，可以話係臥虎藏龍，事關入面真係「孕育」咗唔少巨星，除咗「周杰倫」外，原來仲有另一天王「林俊傑」。

最近「農村版周董」就頻頻孖住「農村版林俊傑」拍片合唱，造就「天王同框」嘅世紀畫面，片中見老翻林俊傑同樣擁有招牌矇豬眼，神情動作都扮到足，佢哋仲特登揀番兩大天王合唱過嘅《稻香》、《最長的電影》及《修煉愛情》等歌曲對嘴，真係幾可亂真。