Angelababy化身暗黑Lolita　小海綿靚仔樣曝光

藝人Angelababy嘅婚姻狀況一直備受關注，近日佢被網民捕獲單拖帶囝囝「小海綿」到上海某主題樂園，參加樂園嘅萬聖節活動，身為廿四孝媽媽嘅佢，為咗配合囝囝，兩母子更齊齊大玩Cosplay，享受萬聖節氣氛。見Baby換上暗黑Lolita裝束，而同行嘅好友亦清一色以可愛女僕Look上陣，大晒少女味。

至於「小海綿」就着上魔法學院長袍，十足「小哈利波特」一樣，認真Cute到爆，相片更罕有曝光其側面，見佢鼻挺挺、下巴勾勾，似足爸爸黃曉明。不過有網民就不滿上載照片嘅網友未有為「小海綿」遮樣，擅自公開小朋友嘅長相，事後該網友亦急急重新上載新相，加上卡通圖案為「小海綿」遮樣。