P圖疑雲！劉穎鏇晒Fit爆小蠻腰　唔啱比例

無綫上位小花劉穎鏇（Tiffany）於劇集《把關者們》表現出色，最近就有指師姐王君馨不滿海報排位比Tiffany後同細，所以決定劈炮唔撈，可想而知劉穎鏇係幾咁受器重，難怪佢對未來充滿希望，喺社交網上載多張當日節目巡禮着上露腰裝嘅靚相，留言話：「there's a lot to look forward to in 2022！」而最搶眼莫過於Tiffany小蠻腰，網友紛紛留言大讚「Fit爆」，不過都有人話唔係幾啱比例，疑似P圖喎，睇番當日東網影嘅相，原汁原味，又真係好似冇咁纖幼，不過可能有機會係燈光效果啫！