人氣王對決︱姚焯菲開個人頻道狙擊炎明熹

《聲夢傳奇》兩大人氣王姚焯菲（Chantel）及炎明熹（Gigi）人氣不相上下，不過近日Gigi嘅粉絲「Gi炎粉」就開設「明Gi台」網上影片頻道，追訪Gigi大大小小嘅活動，甚至有獨家專訪，成功幫偶像造勢，風頭蓋過Chantel。而Chantel都不甘示弱，未知係咪受Gigi啟發，呢日佢就宣布開設個人影片頻道「反擊」。

佢喺社交網大晒靚靚造型照，又發文指自己已經開設名為「Chantel Yiu 姚焯菲」嘅影片頻道，叫大家快啲追蹤，又指頻道未來將會擺放所有歌曲，似乎預告出歌之時指日可待。