揚威到紐約！李施嬅奪最佳女演員組別優異獎

藝人李施嬅於《2021紐約電視電影節》憑着《金宵大廈》一角奪得最佳女演員組別優異獎，與憑《殺手》奪得最佳男演員組別銅獎的視帝黎耀祥齊齊揚威海外。施嬅接受東網訪問時坦言很開心，更表示要多謝整個團隊的努力，她才有這次發揮的機會，她說：「首先好感激TVB為我報名，其次係《金宵大廈》係一套低成本嘅劇，拍時都好艱難，冇乜Support，本來係星期日播嘅劇，後來變咗喺平日播，大家又好鍾意，依家連外國都認同呢個角色，真係好感恩，希望第2輯都可以快啲播啦！」她又指收到高層樂易玲通知這個好消息時，自己第一時間通知監製葉鎮輝及男主角陳山聰，他們都相當開心、興奮，更叫施嬅請吃飯呢！

身在內地的黎耀祥接受訪問時說：「內地粉絲都有轉發新聞，自己收到消息都好開心，因為《殺手》呢個角色自己好鍾意，近年都想精益求精，每個角色都希望有進步，而且呢個係國際性獎項，更加開心，係一個實在嘅鼓勵。其實11年前，柴九呢個角色都曾經喺呢個電視電影節奪得優異獎，11年後今日奪得銅獎，證明自己有進步，亦要多謝公司，冇公司提名我都冇機會攞獎，亦都要多謝監製、編劇同一班台前幕後工作人員！」