「威龍潘金蓮」疑離巢　《愛回家》又走一個？

無綫熱播劇《愛．回家之開心速遞》中飾演補習天王「佐治」（George）嘅張明偉，因為離開無綫而要喺劇中「消失」，本月2日就播出佐治「遺作」，估唔到劇中同佢組CP嘅「威龍潘金蓮」Anita都一樣要走人！有指飾演Anita嘅梁茵，佢嘅資料已經喺TVB網頁中已完全消失，「被下架」之舉似暗示對方已離巢，而早喺8月佢於社交網晒出同George嘅合照時，已有網友留言話佢兩個都離開《愛回家》，搞到網友都話好後悔冇追開佢兩個嘅CP戲，期待二人未來會再有合作。