Tyson Yoshi迷上玩具槍　日日射女友

獨立歌手Tyson Yoshi（程浚彥）今日（27日）出席銅鑼灣口罩活動，他匆匆到場，大汗疊細汗，透露因為不想等?遲到，選擇由地下跑上5樓。他又自爆從來沒有準時過，因為經常工作接工作，唯一約女友Christy就不會遲到，他解釋因為每次女友都會作出遷就，到他所在地方匯合，他得戚說：「所以只有佢遲到，我唔會遲到。」他說不介意與女友戴情侶口罩，但抗拒着情侶裝。

日前他在家玩射玩具槍，將女友當作槍靶，愈射愈開心，他透露最近喜歡上這款8歲以上的兒童玩具槍：「佢唔會痛，但有震懾力，唔係射嚟射去，係我單方面射佢，得一把槍，我唔會畀第二把出現喺間房內。」他又讚女友大方不會嬲，自認沒有優點才更加懂得珍惜女友。與女友拍拖4年多的他，問到有否給予愛的承諾？他表示一切隨緣，怕講出來做不到便唔夠Man，不過女友從未擔心他有異性埋身。