鄭嘉穎爆大仔屋企最惡：好識做戲添！

鄭嘉穎、馬國明在將軍澳電視城出席台慶劇《星空下的仁醫》宣傳，席間公布首集七天跨平台總收視錄得23.2點，內地播放平台亦獲9.1分高評分。鄭嘉穎呻在家被大仔蝦，屋企現在大仔惡晒，問到是否變成家中小霸王？他笑說：「唔好咁講，我驚佢將來會睇到，扭吓計嗰啲會氹吓佢，郁手郁腳就要阻止佢。」他又希望能在家重新建立父威：「佢依家唔驚我，依家有啲蠱惑，仲好識做戲添，老婆都話佢似足我，喺屋企同佢切磋吓。」馬國明則指將來如果做爸爸一定會是嚴父，一定不會寵壞小朋友。

講到陳凱琳指現時每日五點就會趕回家湊仔、追劇，鄭嘉穎笑說：「我都係唔使開工、唔使打波就喺屋企，之前打8號風球都有叫佢（馬國明）上嚟食飯，個個都得，係佢嚟唔到。」被取笑要陪女友湯洛雯的馬國明笑說：「可唔可以唔好約8號風球呀！」講到網民睇好兩人奪視帝，兩兄弟則相當禮讓，皆稱看好對方，鄭嘉穎笑說：「我客串㗎啫，梗係畀啲TVB實戰緊嘅。」