英皇有超級經理人仲有畫家！阿Sa激讚：靚過真人

英皇「龍虎豹」天后容祖兒、蔡卓妍（阿Sa）及鍾欣潼（阿嬌）近日一齊為綜藝節目《容我Sa嬌》進行拍攝，經理人霍汶希亦有同行，四女咁老友，一邊工作一邊遊玩，真係令人羨慕！

祖兒對住霍汶希，唔單止係工作夥伴，仲係好姊妹，知道對方冇假放都陪同拍攝，特意發文答謝對方：「這位女士也辛苦，星期一至五在辦公室工作，周末就要過來參與拍攝，但最可怕是她還是可以不停說爛gag，還陪我們看日出，出心出力，辛苦哂。」更以「練鐵打的女人」形容霍汶希。

除咗超級經理人，原來佢哋公司仲臥虎藏龍，有一位員工畫人像畫作栩栩如生，仲將祖兒同阿Sa畫到似相片一樣，連阿Sa都忍唔住大讚畫得靚過真人：「隨隨便便都畫得咁好！#工作人員隨手畫#真係高手在民間」