偷食唔抹嘴！吳幸美細個係「吃貨」隊餅嚇親阿媽

藝人吳幸美（Amy）為家中獨女，自小深得父母愛錫，但外形纖瘦的她原來是個吃貨：「我由細到大都好鍾意食零食，媽咪話我細個最鍾意食餅乾仲一日食到黑，為免食得過量，佢會將餅乾收埋，但點知每次都畀我搵到，仲識得自己搣開包裝袋偷食添，好彩我係食極唔肥型，如果唔係依家都唔知點算囉。」除了貪吃，她也非常貪玩：「爸爸同我講，話我細個好鍾意扮電視機入面嘅人，話試過扮李小龍，笑到佢傻。又試過攞個玩具電話出嚟扮老闆喺度講電話，睇張相我雖然扮緊，但都冇放低手上塊餅，你就知我幾鍾意食餅啦，哈哈。」

Amy說父親當年為工作要經常離家到外地公幹，每次回港就會即刻帶她到公園玩：「佢每次飛都10日、8日，每到一個地方都會買禮物番嚟送畀我同媽咪，基本上爸爸送畀我嘅禮物我都會好好保存，屋企仲有隻20幾年前爸爸喺日本買畀我嘅招財貓擺設喺度。」