梁敏巧升呢新「東張」咪神　利穎怡李旻芳危危乎

無綫節目《東張西望》人才輩出，仲盛產咪神添，好似利穎怡、李旻芳等，全部勁有料到！最近《東張》就新咪神加盟，佢就係落選港姐梁敏巧（Maggie）喇！

Maggie加入《東張》已經3個月左右，主力做外景主持，早前佢一集佢報道巴士公司最新嘅豪華路線，佢以緊身上衣上陣，呢件衫設計仲好蠱惑，心口位置開咗個大窿，好身材盡現，深長事業線任睇！網友見到都勁Buy，封佢為新進「東張」咪神，隨時撼動利穎怡同李旻芳嘅地位！

原來Maggie已經加入無綫2年，佢最先係主持兒童節目《Think Big天地》，之後再調往《東張西望》做外景主持。佢自爆曾經表現得唔好而被監製鬧爆，又嫌佢咬字唔清晰，之後佢的起心肝，日日讀報紙練咬字，依家發音問題已經有好大嘅進步！