點名鄭爽片酬高冇錯？張紀中爆料有人原來仲大牌

內地女星鄭爽逃稅被罰2.99億元人民幣（約3.58億元港幣），更被舊愛張恒爆佢拍內地劇《倩女幽魂》涉及陰陽合同，疑暗收1.9億港元片酬，消息震驚中外，仲引申到大家討論藝人天價片酬問題。不過內地著名金牌製作人張紀中，就點名講起呢樣嘢，力撐演員片酬過高唔可以只怪流量演員，而係藝人被大環境抬高價後，邊個都唔願意減價，又提及遭封殺嘅鄭爽：「那個姓鄭的那個女孩，現在暴露出來她要了這麼多錢，為甚麼？誰給她？為甚麼給她？」又話影音平台為賺廣告費而倚靠流量演員及「飯圈文化」，加上小鮮肉藝人當道，導致老戲骨無戲可演，破壞行業生態。

不過最爆嘅係佢自爆曾經遇到藝人擺面色同耍大牌：「有些演員提出的這種要求，『我要帶着我媽、帶着我的孩子、我的狗、帶着我的助理，那麽我一共要6間房，幾輛車。」佢自己當時就直接拒絕呢啲要求，批評道：「都不知道自己姓甚麼了，你就是一個演員。」搞到全城競猜大牌藝人係邊個。