陳偉琪同邊個「開房」咁興奮？網友列4大疑點估有新男友

34E咪神陳偉琪憑《愛．回家之開心速遞》「細龍太」一角成功入屋，但自離巢無綫後就隻身外闖，回復自由身嘅佢反而愈接愈多工作。好識生活享受嘅佢，近日去咗Staycation，拍片一條Room Tour片段放上社交網同網民分享，見佢着上一身藍色露肩連身褲，充滿度假感覺，隨住高炒角度，4吋事業線大方任睇，睇完間房，陳偉琪就落咗泳池影水着，見佢着住件黑白連身泳衣，大晒蜜桃臀，笑得相當豪放。

見到大大張床，陳偉琪表現興奮跳上去典床典席，成個大細路咁。唔少網友對揸機拍片嘅人物大感興趣，問同邊個去「開房」咁Happy，因仲列出4大疑點，揣測係同男朋友度過假期。不過，因為拍片者冇出過聲，所以唔知係男定女。